ziit

ich gieng so gärn mit dir elai

wäg vo däm alltagsainerlai

miech alls defür dass du zu dinere wältrais chunsch

so wes sid joore scho din wunsch

ich ha scho lang so ne idee

vomene ring wo n ich ha gsee

wo n ich gärn mache liess für dich d’froog isch no woo

zur überraschig aifach soo

doch irgendwie

ich waiss nid wie

ich han ka ziit s’goot aifach nie

ha mer’s mängisch vor gno

mängisch dra tänkt zwor

und has dänn trozdäm underloo

hett au scho blueme gärn dir gschänkt

so vil wen ich a dich ha dänkt

das möst en schtruuss wunderschöön und riisig si

mit tuusig roose debii

ich hett scho lang mol gärn dir gsait

het gärn mit wort mis härz befrait

und mini liebi und was ich gfüült ha all die joor

ganz zärtlich gflüschteret i dis oor

doch irgendwie

ich waiss nid wie …

es git immer sache die schtönd aa

lönd am ka rue dänksch immer draa

s’isch au nid woor dass me ka ziit hät ziit häsch gnueg

es fäält de wile es fäält de muet

sid ich das gmärkt ha isch mer klar

ich will mi ändere ich fange aa

a jedem tag e sone sach in aagriff nää

und jede tag mis s’beschti z‘gää

doch irgendwie

ich waiss nid wie

mir fäält de muet ich trau mi nie ...

2002