uurue
 
es halbi läbe isch vorbii
ich möösti zfride si
ich ha vo allem mee we gnueg
es goot mer richtig guet
und wänn nid waiss gott wa passiert
ich hoff es wür nid gschee
dänn laufts wol wiiter rund we gschmiert
was will me mee
 
und trozzdäm tunkt’s mi bschtändig s’mööst doch no
no do und döt e schpürli besser go
 
dänn fiili do und schliife döt
und hoble s’läbe z’rächt
mee we guet isch als me sött
und prompt lauft’s nozmänd schlächt
da häsch devo es s’zwait mol scho
und nu mit müe und noot
bi ich zu all däm züüg us cho
ha wider alls im loot
 
und trozzdäm tunkt’s mi wider s’mööst doch no
no do und döt e schpürli besser go
 
schrüüble do und nagle döt
und stell’ es läbe um
und nomol mee als das me sött
und prompt lauft’s wider chrumm
 
ich schwör mer joor für joor ich machis nüm
e schpürli besser bringt jo ee kann gwünn
 
und wider sind par joor vorbii
ich möösti zfride si
ich ha vo allem mee we gnueg
es goot mer richtig guet
 
und trozzdäm tunkt’s mi halt es mööst doch no
no do und döt e schpürli besser go
 
 
 
2008