trännig

waiss nid wes wiiter söll go

mit üüs zwai

öb’d scho en andre hebsch gno

zu dir hai

häsch gsait s’seg färtig s’seg uus

es mach kann sinn me wellsch druus

das gösi nüm mit üs zwai

im gliiche huus

alls wo n i mache seg schlächt

egal was s’isch s’isch nid rächt

bi nüm din liebschte din maa

nu no din chnächt

es hät mer träumt geschter z’nacht

vo do z’mol

wo mer alls zäme händ gmacht

uf’s grot wool

wo mir voll hoffnig sind gsi

bi allem glacht händ debii

und mir üs gfreut händ elai

am zäme si

wo ai berüerig vo dir

mich hät lo schmelze lo schier

ich dich ha gschpürt tag und nacht

ganz nööch bi mir

waiss nid wes wiiter söll go

mit üüs zwai

öb’d scho en andre hebsch gno

zu dir hai

ich waiss es goot mi nünt aa

waiss das ich mäng fääler ha

ha mini chance jo gha

und si vertoo

es hät mer träumt geschter z’nacht

vo do z’mol

wo mer alls zäme händ gmacht

uf’s grot wool

alls wo mir bliibt isch de wunsch

dass’d irgend wänn wider chunsch

und alls nomol so chönt si

wes do isch gsi

2011