7. sorglos


vor villne joore
vor langer ziit
hett doo nie dänkt
s’chiem je so wiit
ha s’gfüül verloore
miis gfüül vo doo
das sorglos gfüül
vermissi so
und froog mi wänn und woo
isch mir das gfüül abhande choo


unabhängig
unbeschwäärt
unbedrängt und
unverseert
unbefangen
unbekeert
uuverbruucht und
unbeleert
ich froog mi wänn und woo
isch mir das gfüül abhande choo


unbekümmert
unberüert
unbesorgt und
unverfüert
unverpflichtet
unbedrükkt
unverdorbe
unbenüzzt
ich froog mi wänn und woo
isch mir das gfüül abhande choo