schoggi

ch’ha schoggi gärn

di erschti issi scho zum zmorge

si tot mer guet und nimmt mer d’sorge

si macht mi wach und schtellt mi uf

ch’ha schoggi gärn

es bescht am morge git’s am nüüni

es schoggischtängeli zum znüüni

das isch mer jede tag e freud

und hi und do au das mues si

gang ich i d’schtat und chaufe ii

par pralinee

die vo cailler

au ganz guet sind

die vo de lindt

und no es par

vo de suchard

und chuum dihai probier i chlii

mmh mmh

ch’ha schoggi gärn

bim zmittag isch mer s’liebscht de tessär

min täller schoggimuss isch schnäll läär

so liecht und fain und wunderbar

ch’ha schoggi gärn

und freu mi täglich uf de zvieri

de schoggirigel um die vieri

dä git mer amel nomol schub

und hi und do au das mues si

gang ich i d’schtat und chaufe ii

es schoggiai

vom schoggi frey

toblerone do

han’i au grad gno

beschtimmt au doch

kirsch camille bloch

und chuum dihai probier i chlii

mmh mmh

ch’ha schoggi gärn

ich schäz am oobig ruigi schtunde

und lo mer schoggipuding munde

e schüssle voll für mich elai

ch’ha schoggi gärn

und wän’i schpöter dänn is bett go

dänn mon i maischtens nomol ufschto

und gnüss no schnäll es pralinee

2010