riichtum
 
ez nimsch mol a du hetisch gält we heu
du läbtisch ezed neu
als riiche ma
ez stellsch dr vor was andersch chiem debii
so ganz andersch als s‘isch gsii
no churz bevor
 
ka sorge me wäg mieti schtrom und sottigs züüg
al uusständ zalt bi alne lüüt
kas puff wäg chöschte wo ussergwöhnlich sind
ka lämpe wägem sackgält vo de chind
du chöntisch chaufe was beliebt uf däre wält
nünt wär me z’tüür für dis gält
e aigni villa und es auto und e yacht
und es schwümmbad und es wasserbett für d nacht
 
nieme go schaffe uf de bazze chiem‘s nüm aa
schtattdesse wärsch im uusgang hi und daa
de lieb lang tag nu gfreuts und schpass uf diner tuur
golf casino party rund um d‘uur
und dänn wärsch wäg wärsch uf ere rais für langi ziit
wär waiss wohii wer waiss wewiit
und i däm läbe wo’d als bonz dän füere teetsch
isch klar dass’d bald scho ganz en andere umgang hetsch
 
kollege fründ und kumpel wörsch vermisse no dis no
di schöni villa muesch bewache loo
es wasserbett hätt grune und ez häsch e sauerai
und noch jeder party chopfwee und ein schtai
häsch sorge wägem schwümmbad wägem auto und wäg de yacht
nie hettsch dänkt wivil sorge all das macht
ez bisch in sorg für dis und ais wo’d dich doch gar nid sorge wetsch
wänn’t nur din sorgefraie alte tschop no hetsch
 
ez waisch e chli was andersch chiem debii
drum losch es besser si
so wes isch gsi
ez waisch e chli was andersch chiem debii
drum losch es besser si
so wes isch gsi
 
2000