1. läbesziit


s’isch früelig gsi und wunderschön
händ d’blueme blüet und gluftet hät‘s am see
und mir verliebte junge lüüt
händ s‘läbe und all ziit no vor üs gsee
mir händ scho länger blanget gha uf dich
händ als scho vorberaitet gha für dich
und dänn bisch choo


scho glii bisch gsässe glii bisch gloffe
glii häsch gschwäzt und glii scho bisch zun lüüt
s’isch summer gsi und haiss
mir sind go schpile mit‘er z’vil gsi isch üs nüüt
und wän‘s dänn druf en chrampf isch gsi mit dir
und wän‘d als ander gsi bisch dänn als ziir
du ghörsch zu üüs


und dänn bisch immer länger wäg
bisch wiiter furt nu sälte häsch üs gsee
s‘isch härbscht gsi und scho chüel vorus
mir sind elai spaziert entlang em see
und do häsch du dänn langsam no dis no
diis läbe i di aigne finger gno
go lo tot wee

s’isch winter gsi und chalt vorus
s’hät gschnait und als isch suuber duss und wiiss
mängs johr isch’s här dass du mit üs
e wiili gläbt häsch für e churzi ziit
de winter goot nüm lang und immer mee
wird üsers läbe rund und schmilzt we schnee
mir gönd nüm wiit


s’isch früelig und s‘isch wunderschön
und blueme hät‘s und lufte tot‘s am see
und zwai verliebti jungi lüüt
chönd s‘läbe und all ziit no vor sich gsee
de fridhof isch schön pflägt truurziit isch vorbii
und es isch es chinderbett parat
für es chindli drii
es mues so sii