4. jooresziite


was im summer aifach schtöört
isch die hizz die unerhöört
und die öödi wänn alls lampet und vertöört
dänn tänki gärn debii
we schöön de härbscht chan sii
mit chorn und frischem saft und neuem wii
und mängisch hani gsait
mir gfiel’s au wän’s mol schnait
s’isch schöön wänn alles wiis isch wiit und brait
und mängisch hani tänkt
we doch de früelig am beschänkt
wänn farbepracht und bluescht es land ertränkt


de härbscht dänn gurkt mi aa
ich mag kann näbel haa
weder näbel no de räge macht mi aa
dänn hani mängisch gsait
mir gfiel’s au wän’s mol schnait
s’isch schöön wänn alles wiis isch wiit und brait
und mängisch hani tänkt
we doch de früelig am beschänkt
wänn farbepracht und bluescht es land ertränkt
dänn tunkt’s mi hie un do
es schönscht seg immer no
de summer wänn’t chasch barfuess use go


im winter liidi schwäär
bi deprässiv und läär
und wünsch mer dass de tag chli länger wäär
und mängisch hani tänkt
we doch de früelig am beschänkt
wänn farbepracht und bluescht es land ertränkt
und s’tunkt mi hie un do
es schönscht seg immer no
de summer wänn’t chasch barfuess use go
dänn tänki au debii
we schöön de härbscht chan sii
mit chorn und frischem saft und neuem wii


de früelig isch e quaal
sind polle überaal
und ich schnudere und nüüsse abnormaal
und dänn tunkt’s mi hie un do
es schönscht seg immer no
de summer wänn’t chasch barfuess use go
und dänn tänki au debii
we schöön de härbscht chan sii
mit chorn und frischem saft und neuem wii
und mängisch hani gsait
mir gfiel’s au wän’s mol schnait
s’isch schöön wänn alles wiis isch wiit und brait