5. hunderti


de hundertscht isch e riise fäscht
mir wünsched dir liebs grosi nu es bescht
mir wünsched gsundhait und chli muet
es chunt ganz sicher ales wider guet


wän au d’auge nüm rächt gsänd
im aalter langsam noolo händ
wän uussicht färnse und eso
halt aifach nüme geesch we doo
wän tag und nacht es gliichi sind
jo dänn
jo dänn mosch säge bisch doch zimli blind


wän au d’oore noolo händ
bimait fasch nüüt me ghööre wänd
am radio ghörsch chuum en ton
und ersch rächt nünt am telefon
wän kann lärme dich me schtöört
jo dänn
jo dänn häsch woll scho länger nüm rächt ghöört


de hundertscht isch e riise fäscht …


wänn’t nüm chasch go poschte go
nüm uf dine bai chasch schto
wän’t elai nüm ufschto chasch
und überhaupt nüm ufschto magsch
wän’t nu no liisch und nu no pännsch
jo dänn
jo dänn bisch halt doch iigschränkt chli
als mänsch


wä’me dänn au nüm verschtoot
was s’grosi sait und useloot
wän dänn laider iri schtimm
no ganz versait dänn isch das schlimm
wän’t nüm chasch säge was z’säge gääb
jo dänn
gilt trozdäm dank im haim und dank für d’pflääg


de hundertscht isch e riise fäscht …