hoppihoo

mir sind im hoppihoo go schtriele

händ mängisch haimlich graucht

tikki scharfi niele

und händ e hütte baut

mir sind dur d’füfmi kroche

ooni liecht entlang de wänd

s’hät i de hööli amel groche

vom füür wo’s drin gmacht händ

bi scho lang furt chumm nu no sälte

zrugg i die schtadt am rii

we scho vor joore gilt für mich debii

s’isch niene schöner gsi

mir sind im winter mit em schlitte

büüchlings und chopf voruus

bis tüüf i nacht ie d’schluecht ab gritte

nomol und nomol z’fuess duruuf

im summer uf de riibrugg

schpektaakel mit vil gschrai

en chöpfler und as land zrugg

händ do am sexi möse hai

bi scho lang furt chumm nu no sälte

zrugg i die schtadt am rii

we scho vor joore gilt für mich debii

s’isch niene schöner gsi

s’isch waiss gott niene, niene schöner gsi

mir sind uf d’chlingewis go grööle

läkk sind das fäschter gsi

go bröötle und go ööle

mit uu vill piir debii

en haide schpass isch’s gsii

s’isch aifach schöön

s’isch aifach schöön do z’schtai am rii

2009