gfoore
 
ich hett nie dänkt dass daas grad mir passiert
nie hetti glaubt dass daas chan sii
dass so n e sach uusgrächnet mir passiert
hett ich im traum nie dänkt debii
 
es gfallt mer wänn’s chli rassig ine kurve goot
brämse ton ich gwöndlich ersch rächt schpoot
schleudergfoor ich waisses aber maischtens goot‘s io guet
ich bruuche halt dä bschtändig kikk im bluet
ich hett nie dänkt dass daas grad mir passiert
nie hetti glaubt dass daas chan sii
dass‘s mich im auto ase schwäär verschmiert
hett ich im traum nie dänkt debii
gschiider bisch waiss gott ersch hinedrii
 
die parti morn am samschtig die goot di ganzi nacht
do bruuchsch par pille susch bliibsch woll nid wach
kolaps isch gfoor ich waisses aber maischtens goot‘s io guet
ich bruuche halt dä bschtändig kikk im bluet
ich hett nie dänkt dass daas grad mir passiert
nie hetti glaubt dass daas chan sii
we miis aim isch bevor me kolabiert
hett ich im traum nie dänkt debii
hett ich doch gsait ich los lo sii
 
di ainte fared brav uf de pischte unverseert
wonich durab faar isch es gwönlich gschpeert
lawinegfoor ich waisses aber maischtens goot‘s io guet
ich bruuche halt dä bschtändig kikk im bluet
ich hett nie dänkt dass das grad mir passiert
nie hetti glaubt dass daas chan sii
we‘s oni luft im schnee aim mulmig wird
hett ich im traum nie dänkt debii
was bin ich doch nu für en tschumpel gsii
 
 
ich hett nie dänkt dass daas grad mir passiert
nie hetti glaubt dass daas chan sii
dass so n e sach usgrächnet mir passiert
hett ich im traum nie dänkt debii
gschiider bisch waiss gott ersch hinedrii
hett ich doch gsait ich loos lo sii
was bi n ich doch nu für en tschumpel gsii
 
1999