7. eskimo


es hät emol en eskimoo
en wunderfizz sin schlitte gno
isch los durab und gli druf scho
uf ramse cho
und hät sich do
im alte zoll es zimmer gno


z’ramse isch er noch zwo schtund
scho wider wäg nid ooni grund
es schtink noch chüe das seg nid gsund
hät gnoo sin bund
und pfiffe sim hund
gschpannt was ächt do noch ramse chunt


so isch er los so um die drai
dur hemishofe bis uf schtai
isch abekämpft mit müede bai
zu s’windlers hai
da sind die zwai
die schtifter vo de schtiftig z’schtai


bald isch’er ham in ewige schnee
schtai und ramse heber gsee
uf de ganze wält gsech me nid mee
mol schtink’s noch chüe
mol schtink’s noch gält
aber schtinke tös’s immer uf däre wält