6. elai si


öb winter oder summer
du bisch nid gärn elai
elai si macht dir chummer
und wänn’t chummer häsch
dänn naschisch z’vill dihai


goosch dänn mol go schpaziere
chuum goot’s es biz duruuf
märksch grad sötsch mee träniere
bisch völlig usser form
häsch chuum me schnuuf


dänn häsch e roti bire
nozmänd würsch schwach und blaich
dänn fangt de chopf a schwirre
mosch allpott hokke
d’chnüü sind schwach und waich


dänn saisch dir ez isch färtig
so goot’s nüm zue und här
du issisch z’süess und z’fättig
und drum bisch z’dikk und z’fätt
und au vill z’schwäär


ez faschtisch wa’d bisch z’dikk gsi
von pölschterli häsch gnueg
ez liidisch und ez quäälsch di
und öppis isch do draa
ganz bsunders guet


öb winter oder summer
nieme bisch elai
bschtändige beglaiter isch de hunger
mit em hunger goosch zum huus uus
und chunsch hai