drükkebärger


me lauft devoo
worum sich müe gä
s’würt öpper cho
cho für aim luege


d’schuel schisst aim a
me waiss nid für wa
dass me alls sexer nu söt ha
me gset kan grund
worum me schtund für schtund
dä leererschund
söt pauke und pariere
wenen hund
s’isch aim alls gliich
worum sich müe gä
de alt isch riich
dä mo für aim luege


job schiist aim aa
me waiss nid für wa
das me söt bschtändigs arbet ha
die schufterai
isch sklaaverai
und tag für tag es ainerlai
me macht sich frai
und bliibt dihai
me macht mol blau
worum sich müe gä
üsi AHV
mues für aim luege


familie schiist aim aa
me weiss nid für wa
das me das goofegmozz mues ha
me hät mol gnueg
e riise wuet
uf di ganzi bruet
well all aim närved bis uf’s bluet
dän chunt’s nüm guet
me lauft devoo
worum sich müe gä
und sowiso
d’füürsorg mues luege


s’isch aim bekannt
worum sich müe gä
s git ee es amt
wo aim mues luege