bier

mir gönd go wandere und go laufe

a jedem schöne wuchenänd

gönd z’ersch no schnäll go öppis chaufe

uf das mer joo gnueg z’trinke händ

es FALKEBIER im sakk verschtaut

am liebschte LAGER HELL und klaar

im mülitaal z’schaffuuse braut

und geg de turscht so wunderbaar

--

so simmer aimol uf de rande

vo merishuuse us durue

sind bald scho uf em hage gschtande

händ gschwizt und gluegt und träumt dezue

vo üsem bier im sakk verschtaut

vom frische FALKE PANACHÉ

im mülital z’schaffuuse braut

wänn’t s’mol probiersch wotsch gwöndli mee

--

und au mol gömmer mit em fäärboot

de rii duruuf und gnüüssed d’rue

im paradiis gits wurscht und huusbroot

zum trinke FALKE PRINZ dezue

es FALKERBIER isch üüs vertraut

s’törf gärn au MUNOT WAIZE sii

hauptsach es würt z’schaffuuse braut

dänn simmer schtolz und schänked ii

--

mir gönd am oobig noch em schaffe

gärn schnäll i d’schtat und glaubed mir

mir tönd nu plaudere und chli gaffe

und trinked do dezue e bier

am liebschte FALKE altvertraut

FÄSCHTBIER, SCHWARZBIER, EMMER BRAND(händ gärn es FÄSCHTBIER i de hand)

im mülital z’schaffuuse braut

isch s’beschti bier im ganze land

2011