angscht


de tag isch vorbii s’isch rue im huus
all sind im bett s’liecht isch uus
liisch no wach suechsch e leer z’zie druus
us däm hüttige gschee
us däm schokk us däm wee
us der traagik wo du hüt häsch gsee


und dänn liisch do und dänksch draa
vor was du als chind angscht häsch gha
we dir häsch gwünscht
wärsch scho gross wärsch en maa
und nüm angscht vor de nacht
und wän‘s blizzt und wän‘s kracht
und ka schiss vor de lüüt me mosch haa

und dänn bisch müed und liisch do
über was hüt passiert isch dänksch no
und s’macht der angscht was’d alls häsch verno
vo hunger und tood
und vo chrieg und vo noot
und vo mänsche wo s’läbe händ loo
aifach soo


wäge umfall und abschturz und brand
wäge bombe us mänschlicher hand
wägem glaube wäg eer und wäg schand


und dänn chli spööter schloofsch ii
und träumsch vo de chindhait e chli
wo d‘angscht no aifach bloss es gfüül isch gsi
oni grund und belang
und oni jede zämehang
und oni das öpis würkli passiert isch debii


so isch’s mol gsii
aber das isch vorbii
für immer vorbii